¿Porque nun medran ociones políticas asturianas?
aruelu @ 00:55
Los resultaos electorales foron correlativos a les perres emplegaes polos partios politicos que se presentan n'Asturies. Quiciabes esa seya una de les valoraciones nel casu de tar nun sistema democráticu onde cá un de les organizaciones presentaes tuvieren polo menos una igualdá de participación nos medios de comunicación públicos, nun sistema democraticu eso sedría asina. Pero la realidá ye bien dixebrada.
La TPA como mediu públicu que ye fizo una comparanza nel so programa "Terapia de grupo" nuna parodia del nacionalismu col etnicismu y el facismu, desprestixiando d'esta mena ociones politiques de calter nacionaliegu. Esti programa fai d'un de los sos exes una parodia continua colo asturianu y lo cultural y nun ye daque que pudiere estrañar. Quiciabes lo abegosu ye la fecha escoyia pa tresmitir esta parodia que desprestixia a ociones nacionalistes asturianes a escases hores del peslle de campaña electoral.
El nacionalismu d'izquierdes asturianu tien munchos enemigos pal so esporpolle suponiendo nestes elecciones el 0.31% del electorau (suma d'UNIDA y AA). Na cabera encuesta socioeconómica del IDEPA los asturianos que consideraben Asturies como nación yera d'alrodiu del 6%. Daque pasa nel nacionalismu pa nun poder mover esti electorau.
Un de los condicionantes ye la irupción d'una fuercia política que reniega a autoalienase como ye IU sumida nuna grave crisis, con escisiones nos caberos años, pero qu'amesta seutores del nacionalismu d'izquierdes como'l BpA y l'ecoloxismu federal como Los Verdes. El BpA asemeyase a un satelite que cumple la función de frenar l'esposigue del nacionalismu d'izquierdes mui fehacientemente al promover dende la base social d'IU politiques nacionaliegues nuna coalición que ye de calter republicana, xacobina y federal, siendo'l BpA una curtia representación ensin pesu dientru d'IU.
Dende medios istitucionales y afines al PSOE tamién se trabaya pa que nun medre nengun proyeutu de calau nacionalista como nel casu mentau.
Tamien esiste un seutor del asturianismu, volatil que lo mesmu les da votar a cualesquier fuerza política con tal d'algamar derechos, un seutor ensin ideoloxia nidia.
La incapacidá pa ilusionar nun proyeutu nacionaliegu tien de tener una base ideoloxica nidia, les dos fuercies del nacionalismu, una por sectaria otra por ambigua nun terminen de cuayar, quiciabes la segunda tenga remediu nun futuru prósimu, la primera va necesitar una renovación de los sos cabezaleros inmediata si quier sobrepasar dalgun día la barrera de la marxinalidá.
Esbilla
del.icio.us
Comentarios(3) »
Anónimu — 12-03-2008 - 15:22:57 GMT 1
Tas fechu un bon analista políticu de caleya. Nun sé si reime o llorar.
Dicir que la culpa de que les opciones nacionalistes n'Asturies nun medren ye cosa d'IU ye vivir fuera de la realidá y de los númberos. Echa cuentes por favor, y dexa de dicir estupideces.
VAmos ponenos colos datos d'IU nes dos últimes consultes electorales. Nes dos perdió un númberu significativu de votos. Aumentaron les opciones nacionalistes, agarraron dalgo d'esos votos que marchen d'IU?. NON
En otres partes del Estáu, cuando IU se desmoronaba, había otres fuercies que diben captando esi electoráu (BNG en Galicia, Chunta Aragonesista n'Aragón, ...).
aruelu — 13-03-2008 - 00:26:39 GMT 1
Nun t'ambures anonimu, paez que sento mal la derrota electoral, dai les gracies a papa psoe que se lu llevo too. Per otru llau prestariame que repasares de nueu l'anuncia ya que nun se fala solu d'iu, nun quieras dai'l protagonismu que nun tien.
Evidentemente nun ye too culpa del troll iu-bpa... Si te das cuenta'l nacionalismu tien mas torgues qu'esa como se pue lleer.
Otra cosina, si nun te presta'l mio puntu de vista pues contraponer con argumentos, pa insultos y descalificaciones eso ye lo que sobra nesti vieyu pais.
aruelu — 13-03-2008 - 00:30:01 GMT 1
Digolo Ensin acritu.
Salu y bonos alimentos
Dexar un comentariu