El ciernu. Información d'Asturies y curiosidaes

Nireblog, un blog n’asturianu

aruelu @ 21:34

Quien nun tien un blog entovia. Pues a partir d’agora ye cenciellu con nireblog. Nun ye que te trabayando pa esta web, la dixebrá tá na oción de facer un blog en munches llingües, ente ellas l’asturianu.Nireblog tien angúañu alrodiu de 100.000 blogs y paez que los blogs fechos n’asturianu tienen una buena aceutación na comunidá virtual asturiano, ya que los weblogs asturianos sumen ya alrodiu de 400 y ye la novena llingua por delantre del bretón, occitanu o gales, incluso del polacu, aleman y frances.
Agora ya nun ties néngun pilancu pa facer el to blog:
http://nireblog.com/ast
Pero pa saber vien de que se fala, primeru ye necesariu saber lo que ye un blog, tenemos una cenciella desplicación en nireblog, amás de falar de les sos funcionalidaes:
¿Qué ye un Blog?
Un Blog (Weblog) o Bitácora ye un páxina web onde una o delles persones espublicen periódicamente pequeños artículos (Posts) sobre cualesquier tema. Al mesmu tiempu, los artículos puen ser comentaos por más persones
Los Blogs puen usase pa munches coses, como una ferramienta informativo, de denuncia, o cenciellamente pa espresar daqué que se quier contar a los demás.
Al permitir que cada artículu puea ser comentáu por otres persones qu'al mesmu tiempu puen tener el so propiu Blog, facilita la creación de comunidaes virtuales de persones que van texendo una rede de Blogs sobre una temática concreta.
Magar tener un cenciellu sitema d'alministración tien munches posibilidaes. Éstes son dalgunas d'elles:
1. Multiusuariu
Un Blog pue ser escritu por delles persones.
2. Multilingüe
Nireblog ta traducíu a dellos idiomes, pudiendo escoyer l'idioma del to Blog ente los yá creaos. Si quies crear ún n'otru idioma ponte en contautu con nosotros y esplicarémoste cómo facelo.
3. Editor de testos:
Inclúise un cenciellu editor de testos pa poder redautar los tos Posts ensin necesidá de saber llinguaxe HTML
4. Soporte pa comentarios
Pue Permitise / Bloquear comentarios
5. Soporte pa Trackbacks y Pingbacks:
Por defeutu tán deshabilitaos pero puen activase.
6. Sistema de notificaciones:
Puen unviase notificaciones d'actualización a estremaos servicios como Technorati, Pingomatic, ...
7. Plantíes personalizables
Pue escoyese l'Apariencia del to Blog ente dellos diseños (más de 20). Amás pue crease con un cenciellu asistente la to propia plantía (colores, imáxenes, distribución... )
8. El to Blog nel to dominiu
Si tienes un dominiu na Internet y quies que'l to Blog tenga esa direición, en Nireblog ye posible, amás pues crear la to propia comunidá de Blogs con una páxina onde apareceríen los ultimos Blogs remocicaos en dicha comunidá de Blogs.
9. Importar Exportar Blog
Pues importar el to Blog dende Blogger / Blogspot o dende otru sistema si asina nos lo comuniques. Tamién pues exportar el to Blog creáu en Nireblog
10. Moblogging
Pues postear dende'l to corréu electrónicu o teléfonu móvil.
11. Publicidá nos tos Blogs
El sistema ta preparáu pa que pueas incluyir publicidá n'estremaes partes del to Blog. Por supuesto, esa publicidá has d'incluyila tu y tolo que ganes va ser pa ti
12. El conteníu ye propiedá del autor o autora
Tolos testos son propiedá de los sos autores, en nengún casu de Nireblog y en cualesquier momentu pues descargar el so conteníu y borralu de Nireblog.
Númberos de blogs a día de gúei:
Español 54938
Português 34941
Árabe 3504
Euskara 3008
English 2128
Galego 1754
Ruso 521
Asturianu 403
Polaco 379
Brezhoneg 243
Català 943
Chino 187
Português do Brasil 144
Deutsch 119
Cymraeg 99
Francés 78
Occitan 35
...
Total 103994

Esbilla | del.icio.us