Dende Elciernu sabemos de la prepotencia cola qu'allumen a la prensa del réximen los dirixentes de la FSA, pero dende'l nuesu puntu de vista esta ye de traca. Javier y Jesús, o lo que ye lo mesmu los llideres organizativos del PSOE n'Asturies nun rescamplen al dicir que los programas electorales ta en segundu planu a la hora de facer Gobiernu. Sal de baldre pala FSA menospreciar a la ciudadania cola so arrogancia y prepotencia enfermiza.
Estí enfotu en facer lo que-yos da pola gana en pasando elleiciones, ye un fechu consumau debiu a la redé clientelar socialista que se vien texiendo dende va unos cuantos años y que-yos permite dir de sobraos na politica desencolcada n'Asturies. A too esto debemos amestar un movimientu nacionalista fragmentau en microespacios políticos, que nun encadarma un movimientu políticu que fine de cuayar ente la sociedá asturiano, anque tan dandose los pasos pa ello, non ensin pilancos per tolos llaos.
Destaquen nestos dies unes declaraciones de los llideres de la FSA que consuman lo escritu:
"La FSA rechaza la petición de Izquierda Unida para participar en la negociación presupuestaria y defiende el liderazgo del Gobierno".
"Los dirigentes socialistas también sugirieron un método: tomar como punto de partida el principio de acuerdo trabado en la negociación del pacto de gobierno, y no los programas electorales, «que lo harían mucho más difícil» " (Javier Fernández y Jesús Gutierrez(FSA)- LNE.14.10.07.
Porque se supon que votaron l@s asturian@s, sinon ye polos programes electorales o polo menos esa ye la idega.
aruelu — 16-10-2007 GTM 1 @ 19:32
Ver/Escribir comentarios 
Esbilla | 
del.icio.us
Ochobre'34 ye una fecha que n'Asturies tien abondo señaldá pala memoria hestorica de los nuesos güel@s. N'aquella dómina de la II Republica Española, nel 31, la hestoria paecia camudar, pero tan solu lo paecia. 6 fuelgues xenerales y otres 20 llocales llideraes polos sindicatos UXT (d'aquella yera un sindicatu que puxaba polos obreros)y per otru la CNT facien d'Asturies un llugar imprauticable de dixerir pol poder central. La xuntanza de dambos sindicatos fizo l'Alianza Obrera, que dende'l Partiu Comunista tildarón de manu,como "alianza obrera de la traición", pero llueu en viendo la brenga cola que puxaban, nun dubiaron en xunise a ella, anque más que nada a mou marxinal, ya que la braera brenga yera la de los sindicatos con 40.000 afiliaos la UXT y unos 30.000 la CNT.
Queda ún perplexu cuandu angüañu ciertu seutor de la izquierda quier reivindicar los fechos como suyos, cuandu d'aquella nun yeren más que una "muleta" de los sindicatos mayoritarios que llevaron el pesu de la revolución.
La nueche del 4 d'Ochobre entamo n'Asturies la revolución proletaria, nes cuenques y n'Uviéu y Xixón pa dempues propagase como la polvora polos pueblos. Esta finó nel día 18, tres pautar la rendición coles tropes comandaes por Franco, que una vez dientru masacraron, torturaron y diezmaron a la población asturiana n'honor a la Republica Española. Fue muncho mas xabaz les muertes producies dempues de la revolución que tardo muncho tiempu en recuperase.
Nun dexa de ser una seña d'identidá del pueblu asturianu esta revolución fracasada, y nun siguia por néngun llugar a mencionar, ya que más ceo y na Guerra civil, Belarmino Tomás participe de la rendición pactada col gobiernu de la Republica, proclamaria nel añu 1937 el que diba ser el Conseyu Soberanu d'Asturies y Lleón.
La Hestoria fainla los vencedores, eso ye asina, pero siempre se pue reinterpretar.Con estí videu vamos facer remenbranza de l'otra realidá, la de los vencios, qu'a la postre sedría la del pueblu asturianu. Aida de la Fuente.
Tamien amestamos un vidiu sobro Ochobre'34 del prestosu blogue Fueya en blancu.
aruelu — 13-10-2007 GTM 1 @ 19:19
Ver/Escribir comentarios Esbilla | del.icio.us
Alrodiu del pilancu sobro l’encarecimientu del preciu de la lleche nos consumidores, dende organizaciones como FACUA se diz que ye un amestu de les empreses pa concertar el preciu de la mesma falando d'una subida «especulativa y desproporcionada», dende la Federación Nacional de Industrias Lácteas (Fenil), diz que’l preciu debese a la poca lleche qu’hai nel mercau, el puxu del biodiesel y el secanu en ¿Nuea Zelanda??.
Esto vien a dicilo n’Asturies, qu’hai 440.000 vaques, casí tocamos a una por habitante, tamién ye verdá, tan solu alrodiu de 170.000 vaques frisonas o de lleche. Después del raspiazu europeo de la cuota láctea, onde n’Asturies pesllaron cientos d’explotaciones ganaderes, agora nos dicen que nun hai lleche y por eso vamos pagala a preciu d’oru, alrodiu del euro nel casu de los fabricantes oficiales.
Pero estí articulu nun quier poner n’entredichu les afirmaciones de Fenil nestí casu, más que nel fondu la cuestión, si esto ye lo que querien facer aforcando la cuota láctea p’Asturies, nun ye un gran favor el que nos fae Europa nestí casu.
Pero, ¿d’onde ye la lleche que se consume n’Asturies?
Estí ye un esbozu de la lleche que se vende n’Asturies, onde hai una gran variedá de marques conocies, anque non tantes empreses, ya que munches d’elles son marques blanques de grandes establecimientos de comestibles:
Puleva, En 1910 entamo en Granada Unión Vinícola Industrial, una pequeña empresa que se dedicaba al comerciu de vinos y alcoholes. Na domina de los 50 amestó la produición de lleche a les sos actividaes, y más sero otros llácteos, lleche y papilles pa bebés y granxes de vaques.
Covap, Sociedad Cooperativa Andaluza Ganadera Valle de los Pedroches, empresa que ñaz en 1959 na fastera de la provincia de Córdoba con fines primordialmente ganaderos, pa allimentar el ganau de la fastera.
Asturiana, ensin comentarios, asturiana de raigaño.Recueye’l 90% de la lleche d’Asturies.
President, Esta marca pertenez al grupu multinacional francés Lactalis, de Normandia. La lleche ye d’orixen galego pero s’importa dende Francia.
Pascual, Grupo Leche Pascual ye d’Aranda de Duero (Burgos). Lo creó Tomás Pascual en 1969, y güei sigui siendo propiedá suya. Ellabora, envasa y viende llácteos (la lleche provien de granxes propies y d’otros ganaderos), zumos, cereales pal desayuno, huevos llíquidos pasteurizados, tortiellas precocinaes, agua mineral, comida pa animales domésticos, y angúañu ta nel seutor de refrescos cola Eurocola y la gaseosa Tafira.
Carrefour, lleche de Puleva.
Reny Picot Empresa lactea ILAS SA, asturiana. Utiliza 80 camiones cisterna que recueyen la materia prima per Asturies, Galiza, Castilla y Lleón y Cantabria
Hipercor, lleche de CLAS.
Feiraco, lleche de Galiza, d’A Coruña.
Xoia, marca blanca de Carrefour, tres alcuerdu con Feiraco. Ye de Galiza.
Ram, lleche gallega. La so fábrica alcuentrase n’Arteixo.
Auchan, empresa francesa, ye la marca blanca d’Alcampo.
Dia, lleche de Puleva, misma marca que Carrefour.
El Pulgar, marca blanca de Alcampo, castellano manchega.
Hacendado, la lleche de Mercadona, ye de Covap.
Eroski, de Kaiku, d’Euskadi.
De les 16 marcas lácteas que tan ofertaes n’Asturies tan solu 3 pue dicise que se faigan alrodiu de cuotes lácteas asturianas (CLAS, cola so marca blanca Hipercor y Reny Picot, d’ILAS SA).
Pero tamién existen angúañu delles explotaciones ganaderes coles sos propies marques dalgunes d’elles, toes elles asturianes:
Explotacion ganaderia pilleira Seijo, s/n (piñera) - C.P. 33710 - NAVIA – ASTURIAS
Lecheria la morena El Castro, s/n (collado) - C.P. 33420 - SIERO – ASTURIAS
Pelaez martinez I. Ablanedo, s/n (espina) - C.P. 33891 - SALAS – ASTURIAS
Lacteos freije - Lacteos, lecherías, lechePl. Constitucion, s/n - C.P. 33710 - NAVIA – ASTURIAS
Alvarez corzo A. El Castro, s/n (collado) - C.P. 33420 - SIERO – ASTURIAS
Lecherias gozon La Obligada, 1 (luanco) - C.P. 33440 - GOZON – ASTURIAS
Clesa S. A. Pte Nora, s/n - C.P. 33420 - SIERO – ASTURIAS
Rodriguez freije J. A. Pl. Constitucion, s/n - C.P. 33710 - NAVIA – ASTURIAS
Central lechera vallesoletana S.A. - Lacteos, lecherías, lecheFdez. Capalleja, 5 - C.P. 33870 - TINEO – ASTURIAS
Fuertes menendez J. Seijo, s/n (piñera) - C.P. 33710 - NAVIA – ASTURIAS
Central lechera del cantrabrico S.L. El Castro, 10 (collado) - C.P. 33420 - SIERO – ASTURIAS
Clesa S.A. Pte Nora, s/n - C.P. 33420 - SIERO – ASTURIAS
Menendez rodriguez J. M. - Lacteos, lecherías, lecheLa Obligada, 1 (luanco) - C.P. 33440 - GOZON – ASTURIAS
T g t asturias S.A. - Lacteos, lecherías, leche Avda. De Buenavista, 4 (hevia) - C.P. 33186 - SIERO – ASTURIAS.
aruelu — 10-10-2007 GTM 1 @ 20:07
Ver/Escribir comentarios (5) Esbilla | del.icio.us
El gobiernu asturianu da un pasu más alantre na costruición de la macro incineradora de Serín redautando'l pliegu de bases de la mesma. A pesar del rechazu social que supon estí proyeutu, el PSOE sigui engafau col mesmu, como filu de la política enerxetica desendolcada dende los despachos socialistes.
Según la Conseyera de Mediu Ambiente, Belén Fernández el vertederu de COGERSA tien de finar pal añu 2015. La Conseyera afitó qu'hai de proponer un alderique respeutu porque solu asina s'algama l'aceutación y el compromisu social que requier estí tipo de istalaciones contaminantes.
La direutiva europea sobro vertiu de residuos, aprobada en 1999, establez que cualesquier tratamientu que contribuya a la elliminación de los residuos debe ser consecuente col mediu ambiente y favorecer el reciclaxe. Polo tanto, la costruición d'incineradoras ye contraria a lo señalau poles normes europees.
P'algamar más información alrodiu de la problematica que pue ocasionar estes istalaciones nel entornu tantu social como medioambientalmente remitimos a estí blog; NON A La INCINERACION.
aruelu — 06-10-2007 GTM 1 @ 18:18
Ver/Escribir comentarios (2) Esbilla | del.icio.us
Abrimos nueu filu, nomau La Foguera qu'intenta amestar nueos puntos de vista na hestoría que s'avera a les nueses llendes. Nestí casu vamos falar dende un puntu de vista hestoricu que ye'l qu'hai de determinar nel casu del hipoteticu Reinu de Galiza. Realidá o ficción con calau nacionalista. Ye verdá que la hestoria escribenla los ganadores, pero a lo caberu salvo que seya permaquiavelica pue reinterpretase dafechu.
Dende elciernu queremos espublizar esti filu garrau del portal celtiberia.net, que paez dir alrodiu de la estaya propuesta:
Col surdimientu del Estáu Autonómicu y les diferentes autonomíes tan surxiendo, xunto coles nueves identidaes rexonales, nueves tendencies historiográfiques nacionalistes/rexonalistes, que pretenden costruir una historia gloriosa a autonomíes que nun pasen de los 25 años a base de terxiversar los datos qu'aporten les cróniques y otros documentos de la época.
Un exemplu d'esto ye'l llibru d'Herrero de Miñón "Las nacionalidades históricas", que trai como portada un mapa del sieglu XIX alteráu nel que se traza una línea coloreada que separa a Galicia del restu de Castiella (cosa que nun esistía nel mapa orixinal) y bórrase aquella que discurría por la frontera castellano-aragonesa. Esto vos puede dar una idea de lo "históriques" que son les "nacionalidaes" qu'asin se consideren.
Entrando nel tema del que faláis, lo cierto ye que toles cróniques cristianes falen del ASTURORUM REGNUM, el "Reinu de los Astures", y así ye como los creadores del reinu se consideraben, como asturianos, como astures, y non como gallegos.
Lo que sucede ye que'l emperador Caracalla realizó una reorganización de les provincies nun sólo d'Hispania, sinón de to'l imperiu, col oxetivu de tener un control mayor sobre les alministraciones provinciales. Na Península Ibérica, l'emperador procedió a segregar a tres "conventi" (Bracarense, Asturicense y Lucense) de la provincia Tarraconense, creando con ello una nueva entidá, la provincia de Gallaecia.
D'ehí vien la costumbre de qu'en época tardorromana o altomedieval teníen los cronistes de llamar "Galicia" al Norte de la Península. "Gallaecia" nun yera más que un términu xeográficu, qu'abarcaba dende Finisterre hasta los Pirineos.
D'ehí vien el error de los nacionalistes gallegos, que pretenden identificar a esta "Gallaecia" cola actual comunidá autónoma de Galicia. Un fatu (que debe ser asturianu) qu'escribe n'esti foru da la razón a los historiadores galleguistes y yo-y pregunto: ?Qué ye, qu'un reinu que tinía la capital en Cangues, Pravia y Uviéu, que se denominaba a si mesmu como "Asturorum Regnum", y cuyos principales logros artísticos (prerrománico, cámara santa, cruz de la Victoria) tan situaos en territoriu asturianu, ye agora un reinu gallegu, un reinu del que se puean enorgullecer los gallegos pero no los asturianos?
Les cróniques cristianes y el Romanceru medieval déxenlo bastante claro: La entidá política llamábase ASTURIES y si delles cróniques árabes falen de "Djalikiah" nun ye porque el reinu fuere gallegu, sinón PORQUE LOS MUSULMANES TINÍEN LA COSTUMBRE DE LLAMAR GALICIA A TOU'L NORTE DE LA PENÍNSULA:
"Cuantan algunos historiadores musulmanes que, el primero que reunió a los fugitivos cristianos de España, después de haberse apoderado de ella los árabes, fue un infiel llamado Pelayo, natural de Asturias en Galicia"
"Los islamitas, luchando contra los politeistas y forzándoles a emigrar, se ha habían apoderado de su país hasta llegar a Aruyula, de la tierra de los francos, y HABÍAN CONQUISTADO PAMPLONA EN GALICIA y no había quedado sino la roca donde se refugió el rey llamado Pelayo con trescientos hombres." - Rei_Pelayo.
aruelu — 05-10-2007 GTM 1 @ 17:49
Ver/Escribir comentarios Esbilla | del.icio.us
El diariu madrilanu ABC se fae eco del escandalu del casu "Construyendo Asturies" onde'l Gobiernu Asturianu sal abondo representau poles obres feches,un panfletu de calter electoralista, de manu subvencionau polas contratas que faen obres pal Principau d'Asturies con cargu a fondos públicos.
Fai unos dies presentose nestí blog la estaya de "L'otru llau de la realidá" onde queremos dar puxu a les anuncies que nos paecen interesantes y nos medios de comunicación de mases nun tienen cabida debiu a los dixebraos intereses de los periodicos de turnu. Otru exemplu d'ello ye esti casu, ya que na prensa "rexional" tan solu LNE menciona estí casu y de mena testimonial, algamando más información un diariu madrilanu sobro ello, anque distorsionando'l mensax al dar más emportancia a partios políticos que tan na oposición(PP)y nun ficieron un res que a la propia denunciante (UNIDÁ). Esto debese en parte a la llínea editorial emplegada por ABC, nestí casu.
aruelu — 01-10-2007 GTM 1 @ 11:38
Ver/Escribir comentarios (1) Esbilla | del.icio.us
El Gobierno del Principado ha asegurado, mediante una nota de prensa, que "ni ha financiado ni es el promotor de la obra editorial" (23.08.06,El Comercio)
Quiciabes la financiación ye de toos los ciudadanos a travies de los fondos públicos ofertaos a les constructores. Una extratexia eleutoralista del PSOE nes pasaes eleiciones, a costa de les perres de toos, a primera vista paez un casu nidiu de malversación de fondos públicos, ya veremos en que queda too. Noragüena a UNIDÁ por dar la cara.
Redaición.
aruelu — 01-10-2007 GTM 1 @ 00:03
Ver/Escribir comentarios Esbilla | del.icio.us
Más info na web d'UNIDÁ.as.
UNIDÁ ta acabante recibir una notificación del xulgáu qu’afita qu’un total de 22 empreses qu’inxertaron la so publicidá na publicación “Construyendo Asturias” son llamaes a declarar énte’l xuez a traviés de lo sos representantes. Amás, según esta notificación, requierse tamién a estes empreses pa qu’apurran copia de tola documentación que tengan rellacionada cola publicación.
Concretamente, el próximu día 10 d’ochobre, dende les 10:30 hores de la mañana va llamase a declarar a los representantes de CEYD, SEDES, OHL, FERROVIAL, UTE UCA, COPROSA, FCC, MAGNA GLOBAL/ACCIONA, DRAGADOS, y ALVARGOZÄLEZ (per esti orde), y pente medies d’exhortu van facelo los representantes de SACYR, AUCALSA, ITINERE, ESPINA OBRAS, ALCUBA, PROCOIN, PROASTUR, OLIASTUR, VIASTUR, HNOS SANPEDRO, AL. PUMARIN y CONT. IGLESIAS.
aruelu — 30-09-2007 GTM 1 @ 21:02
Ver/Escribir comentarios Esbilla | del.icio.us
"Conciertu 40 aniversariu del Che Guevara"
Día: Domingu, 07 d'Ochobre 2007.
Llugar: Teatru Xovellanos - Xixón.
Hora: 20:30 hores.
Preciu: 10€.
Organiza: Soldepaz Pachakuti
aruelu — 30-09-2007 GTM 1 @ 20:46
Ver/Escribir comentarios Esbilla | del.icio.us
Vamos entamar dende esti modestu blog, una nuea domina d'articulos que de mena simbolica vamos tratar, y que fondamente daremos los enllaces que conozamos pa que cualesquier persona puea tar informada d'estes coses que nun avezamos a ver nos mass media (ellementos fácticos de los nucleos del poder) pero que representen l'otru llau de la realidá.
Nel caberu plenu que se cellebró nel Aytu. de Llanes tratabase ente otres coses, l'autorización de la llicencia de costruición de La Talá, una macrourbanización que se quier facer en tarren protexiu medioambientalmente, denunciau dende cuantaya por AVALL, cuyo secretariu ye Domingo Goñi Tirapu "Txomin". Esta persona xunto con otres más, presentaronse nel plenu con una camiseta col llema " La Talá ilegal". Esti fechu fizo que l'alcaldesa del PSOE perdiera la coreición democratica que tien de demostrar cualesquier persona que s'alcuentre nel so cargu y ordenara que colaran estes personas pola vía opresora, mediante los axentes de policia llocal. Agora acusenlo de "presunto delito de resistencia a la autoridad y por las supuestas faltas de perturbación del orden público, lesiones a un policía local y maltrato de obra".
Tenemos un vidiu de lo asoleyau, agradeciendo al portal d'asturiasverde, poniendo equí les sos señes, nun tien perdida:
http://www.asturiasverde.com/2007/septiembre/00893llanes.htm
Cuando la realidá ye bien dixebrada de la "fantasia corrupta" de los que manden, el poder muestra la so cara real, la represión. Contra ello de manu, contrainformación.
aruelu — 29-09-2007 GTM 1 @ 20:59
Ver/Escribir comentarios Esbilla | del.icio.us
<<
1
2
3
4
5
>>
