Cola marcha de Covadonga Tomé al frente del cómite d'empresa del Hospital Grande Covián s'esplaya la llaceriosa situación na que se topa la redé de servicios sanitarios nel Oriente d'Asturies. Ya van más de 10 años dende que los trabayadores y usuarios del hospital pidin al Gobiernu asturianu que'l citau Hospital pase a la redé de centros de servicios sanitarios públicos d'Asturies. El Grande Covián ta xestionau por una Fundación privada.
L'alministracion asturiana (PSOE) a lo más que llega ye a proponer una Fundación pública pal Hospital, fechu que nun aceuten les centrales sindicales que formen el cómite d'empresa.
Una proposición non de llei a favor de los trabayadores, una fuelga de 12 díes, una Plataforma ciudadan de sofitu y una manifestación de más de 3.000 persones poles caís de Les Arriondes, nun foron a algamar l'oxetivu de incluyir a estí centru mélicu de referencia del Oriente d'Asturies con una xestión dientru la sanidá pública.
Dolores Colunga, la nuea presidenta del cómite d'empresa siente nun poder cuntar con Covadonga Tomé nesta llucha, a piques de garrar cuatro meses d'escedencia pa colar del centru mélicu y d'Asturies con vistes a nun volver más pola precaria situación del Grande Covián.
Otru fracasu más del gobiernu socialista na so política d'apañar perres pal HUCA, un ñeru de gastos ensin fondu,de momentu va pa más de 45 millones d'euros de sobrecoste, pola falta de control de l'alministración pública nesti sen, y pol contrariu de caltener nuna precariedá insostenible'l mayor centru mélicu del oriente asturianu.
aruelu — 15-05-2008 GTM 1 @ 21:17
Ver/Escribir comentarios 
Esbilla | 
del.icio.us
"La lógica del proceso de reformas estatutarias, afirmó, pretende garantizar «la viabilidad de los Estatutos y su articulación al proyecto común de España», pero sin impedir «que las peculiaridades de cada comunidad queden suficientemente reconocidas y preservadas»".Jose Luis Rodriguez Zapatero, güei en El comercio.
aruelu — 14-05-2008 GTM 1 @ 23:26
Ver/Escribir comentarios (1) Esbilla | del.icio.us
Según el caberu estudiu sociollingüisticu fecho n'Asturies, la mayor parte de la población ta a favor de la oficialidá de la llingua asturiana, pero los resultaos electorales nun faen más que desmentir esa tendencia, ya que les ociones polítiques que falen abiertamente o de xemes en cuandu d'oficializar la llingua son minoritaries.
Les manifestaciones feches poles asociaciones que puxen pola llingua son de les más numberoses (CAO, XDLLA), fainse milenta d'actos en favor de la mesma, toos desperdigaos pola xeografía asturiana, les sobenciones al usu de la mesma son tamién interesantes, sobremena palos grandes medios, otros pue dicise que viven d'ello, pero n'Asturies naide se mueve ensin que falen primeru los dirixentes de la FSA. Ye curiosu qu'angúañu son minoría nel Gobiernu asturianu y tovia tan na poltrona con vistes a tirar al menos otros tres años más.
Pero'l grupu o tribu más curiosu al mio paecer son le de los asturianofobos, ye una clas de persones que tando pola oficialidá (esto ye un decir), nun faen más que ser la mosca coyonera que siempre tien de tar sacando la tiesta o sacando la llingua a pacer (perdón pol blogue collaciu). Un exemplu tenemoslu nel casu de la tribu d'un blogue d'índole lliberalfacista qu'agora le da por implicar a un conociu sindicatu na defensa de la llingua asturiana dende va una riestra d'años col nacionalismu vascu, a la gueta de su "illegalización" (¿tan como teyes inverties estos asturianofobos?...). Esta tribu quier dexar ver nidiamente qu'enantes de la llingua hai munches otres coses (la COPE, los curas, la relixón,...) 
Nun ye la primer vegada que los asturianofobos se intentar facer notar con estos bilordios, el so llema ye "oficialidá si pero sin imposición" anque pue dicise que son de dereches, tiene un discursu asemeyau a la FSA, quiciabes pue inclinase un pocu más activu, en cuantes que formen la oposición política n'Asturies. Tamos d'alcuerdu nuna cosa OFICIALIDÁ, pero pa asoliviar al movimientu llingüisitcu asturianu y fraccionalu (esa ye la estratexia que más-yos presta a la FSA nos movimientos ecoloxistes, vecinales, lluches obreres, si nun pues con ellos, dividelos) nun aporten sinon que desgasten.
Angüañu ta debatiendose la reforma l'Estatutu, vamos ver si dan la cara pola nuesa llingua, ya qu'oficializarla ye un derechu nun ye una moneda de cambiu. La imposición se ta faciendo tolos dies na Alministración pública asturiana, nes escueles, na cai, nel centru de trabayu,... un pocu de discriminación positiva pa cola llingua nun taría de más nestí vieyu país.
aruelu — 14-05-2008 GTM 1 @ 23:11
Ver/Escribir comentarios Esbilla | del.icio.us
Los resultaos electorales foron correlativos a les perres emplegaes polos partios politicos que se presentan n'Asturies. Quiciabes esa seya una de les valoraciones nel casu de tar nun sistema democráticu onde cá un de les organizaciones presentaes tuvieren polo menos una igualdá de participación nos medios de comunicación públicos, nun sistema democraticu eso sedría asina. Pero la realidá ye bien dixebrada.
La TPA como mediu públicu que ye fizo una comparanza nel so programa "Terapia de grupo" nuna parodia del nacionalismu col etnicismu y el facismu, desprestixiando d'esta mena ociones politiques de calter nacionaliegu. Esti programa fai d'un de los sos exes una parodia continua colo asturianu y lo cultural y nun ye daque que pudiere estrañar. Quiciabes lo abegosu ye la fecha escoyia pa tresmitir esta parodia que desprestixia a ociones nacionalistes asturianes a escases hores del peslle de campaña electoral.
El nacionalismu d'izquierdes asturianu tien munchos enemigos pal so esporpolle suponiendo nestes elecciones el 0.31% del electorau (suma d'UNIDA y AA). Na cabera encuesta socioeconómica del IDEPA los asturianos que consideraben Asturies como nación yera d'alrodiu del 6%. Daque pasa nel nacionalismu pa nun poder mover esti electorau.
Un de los condicionantes ye la irupción d'una fuercia política que reniega a autoalienase como ye IU sumida nuna grave crisis, con escisiones nos caberos años, pero qu'amesta seutores del nacionalismu d'izquierdes como'l BpA y l'ecoloxismu federal como Los Verdes. El BpA asemeyase a un satelite que cumple la función de frenar l'esposigue del nacionalismu d'izquierdes mui fehacientemente al promover dende la base social d'IU politiques nacionaliegues nuna coalición que ye de calter republicana, xacobina y federal, siendo'l BpA una curtia representación ensin pesu dientru d'IU.
Dende medios istitucionales y afines al PSOE tamién se trabaya pa que nun medre nengun proyeutu de calau nacionalista como nel casu mentau.
Tamien esiste un seutor del asturianismu, volatil que lo mesmu les da votar a cualesquier fuerza política con tal d'algamar derechos, un seutor ensin ideoloxia nidia.
La incapacidá pa ilusionar nun proyeutu nacionaliegu tien de tener una base ideoloxica nidia, les dos fuercies del nacionalismu, una por sectaria otra por ambigua nun terminen de cuayar, quiciabes la segunda tenga remediu nun futuru prósimu, la primera va necesitar una renovación de los sos cabezaleros inmediata si quier sobrepasar dalgun día la barrera de la marxinalidá.
aruelu — 12-03-2008 GTM 1 @ 00:55
Ver/Escribir comentarios (3) Esbilla | del.icio.us
La Xunta eleutoral central decidió retirar la propaganda xenofoba y facista d'un partiu marxinal de la extrema drecha como consecuencia d'una denuncia d'UNIDA.
Ye cuanto menos desagradable, tener que ver estes coses, nun Estau que se supon democraticu (según pa qué y pa quien) y micropartios d'esta indolé anden por sus campes ensin tovia illegalizarlos. L'Estau Español (PSOE angüañu) tien un interes pa que estos grepusculos furrulen non principalmente pol so marcau calter xenofobu sinon más bien pol`so nacionalismu español qu'amesten a so propaganda xunto al so calter xenofobu según se pue ver nel cartel illegalizau.
Y ye que los partios estatales mayoritarios nel fondu (y tampocu tan abaxu) tienen puestes en comuña colos partios d'extrema drecha que fain que seya complicau trabayar pola so illegalización, el so calter nacional (nacionalismu español) y la so refuga a los nacionalismos.
Llueu los partios estatales mayoritarios tiene coses que los d'extrema derecha nun dexan mui marcau, pero estos partios estatales "s'esfuerzan" en ser abanderaos de la causa como son dir a la contra los movimientos sociales, les lluches sindicales, la meyora del emplegu y la criminalización de la mocedá, toes elles coses que son cuanto menos contraries a los derechos individuales y coleutivos y les llibertaes. A estos dalgún día quiciabes, tamién tenien d'illegalizarlos.
aruelu — 02-03-2008 GTM 1 @ 20:49
Ver/Escribir comentarios (1) Esbilla | del.icio.us
Un madrilano llega a Candás y se sienta en un bar. Llama al camarero y le dice:
- Chico, ven aquí.
El camarero llega y le dice:
- Aqui n'Asturies no se diz 'chico', así que no me vuelvas llamar así. Pués llamame Guaje, Jefe, Camarero, Tío...pero chico... no lo vuelvas facer.
El madrileño se empieza a mosquear y le dice:
- Vale, TIO, no pasa nada. Ponme un vasito de cerveza.
A lo que el camarero le contesta:
- Aquí n'Asturies no tenemos 'vasitos de cerveza', puedo ponete una cerveza, una caña, una jarra, un quintu, una birra, un garimba... pero 'un vasito de cerveza'... no.
El madrileno ya con un rebote de cojones le dice:
- Vaya!, pues ponme una caña, TIO. Y de camino traeme unas olivitas.
El camarero mira al 'madriles' con desprecio y moviendo la cabeza hacia los lados le dice:
- Aquí n'Asturies no tenemos 'olivitas', puedo ponete unes aceitunes si quies.
El madrileno ya aguantándose para no lanzarse a por el camarero le dice:
- Manda cojones el TIO, pues ponme unas aceitunas.
El camarero se va y le trae lo que le ha pedido.
A la hora de pagar el madrileno paga al camarero y cuando le devuelve el cambio le dice:
- Un segundo tú, que tengo curiosidad, aqui en Asturias ¿cómo se les llama a los Gilipollas???
Y le contesta el camarero:
- Aquí no los llamamos, vienen ellos solos pola autopista desde Madrid....
aruelu — 24-02-2008 GTM 1 @ 14:30
Ver/Escribir comentarios (2) Esbilla | del.icio.us
¿ Qué vos paez si los partios políticos tuvieren qu'indemnizar a los ciudadanos por incumplir les promeses electorales?
L'abogau José Lus Mazón consideralu asina na demanda que presento por publicidá engañosa contra'l PSOE por incumplir la promesa electoral del añu 2004 que falaba de "la exixencia de responsabilidá de los xueces y funcionarios xudiciales por retrasos inxustificaos".
El xuez nel so autu diz que la demanda del abogau "cumple tolos requisitos de capacidá, representación y postulación procesales" y da 20 díes al PSOE pa que retruque.
Según el lletrau demandante la aprobación de la LOTC aprovada pol PSOE establez " la irresponsabilidá o completa impunidá de los maxistraos del TC", colo " que contradiz y fae engañosa o falsa la propaganda del programa ellectoral del PSOE".
De salir p'alantre esta sentencia, podría dase un xiru na forma de facer política, ya que los programas podran axustarse meyor a la realidá y de nun ser asina, pue salirnos rentable, polo menos economicamente, que los políticos llancen bilordios a los ciudadanos.
aruelu — 23-02-2008 GTM 1 @ 18:34
Ver/Escribir comentarios Esbilla | del.icio.us
La frase del día.
N'España la xente nun quier vivir nun solu Estau, entos sofitadles ellí" Vladimir Putin, presidente de Rusia
aruelu — 17-02-2008 GTM 1 @ 21:03
Ver/Escribir comentarios Esbilla | del.icio.us
La Republíca Democrática de Kosovo ya ye una realidá. Los 109 diputaos votaron a favor, demientres miles de persones lo festexaron na capital Pristina. El primer ministru kosovar, Hashim Thai afitó la declaración d'independencia a les cuatru menos diez de la tardi de guei.
Al marxén del xubilu de la población kosovar confirmase un escandalu nel drechu internacional pala soberania d'un pueblu precisamente n'Europa, ya que'l protocolu d'actuación marca que la plena soberania d'un Estau tien de dir precedia pol Conseyu de Seguridá de la ONU, muerganu qu'afita el protocolu nestos casos, siendo pa ello como ye de vezu qu'esista ente la población un referendum previu ente la población que llexitime la decisión, ello ye'l "tan queriu" drechu d'autodetermin que tantu "satanicen" los partios nacionalistas españoles del Estau Español.
L'otru puntu pa qu'un pueblu puea dafechu independizase ye'l so pasu polos muerganismos de la ONU que lo afiten delantre de tolos Estaos del mundu. Esti nun ye'l casu y d'ehí la so peculiaridá ya que Kosovo conto col beneplacitu de los EEXX pa poder independizase, pese a que l'Estau del que s'escinden, Serbia nun naguaba por tal pretensión, a ello xuntase Rusia como potencia mundial amiga de Serbia.
Esti fechu ensin precedentes fai ximielgar la cadarma del drechu xuridicu internacional nos casos d'independencia d'un Estau d'otru. La realidá ye, ¿porqué equí si y n'otros llaos non?. Necesitase pa ello'l sofitu de los EEXX y la Xunión Europea penrriba de les normes internacionales. ¿Qué pinta la ONU n'esto?, ¿Val pa daque la ONU?.
El primer ministru serbiu, Vojislav Kostunica dexo nidiu nes sos declaraciones de que tamos falando al atribuyir "a la politíca de fuercia de los EEXX, qu'impon la fuercia penrriba de la ONU".
Pola so parte Rusia mantien que con ello va abrise la "caxa de Pandora", ya que según el so ministru d'esterior, Serguéi Lavrov " ye la primer vegada que se trabaya sobro la salida d'una rexión de dientru d'un Estau soberanu. Kosovo sedrá un precedente p'alrodiu de 200 rexiones y Estaos del mundiu".
Nel Estau Español esta decisión nun fae más qu'evidenciar el braeru deficit democraticu que padez l'Estau, imponiendo los sos criterios penrriba de les decisiones de los ciudadanos de les naciones qu'aspiren dalgun día, y si los sos ciudadanos asina lo quieren, a poder ser otru Estau dixebrau, claro que pa ello, faera falta'l sofitu de los EEXX, del más fuerte. Daque hai de camudar nel mundiu pa que les ociones de munchos ciudadanos del mundiu dependan d'un solu filu, ya que nun son necesaries les lleis de drechu internacional ¿pa que tan, entos?, tan solu'l sofitu d'unos intereses de les multinacionales enmazcaritaes baxo les siegles d'un país, EEXX.
aruelu — 17-02-2008 GTM 1 @ 20:48
Ver/Escribir comentarios (1) Esbilla | del.icio.us
Nun ye la primera, ni tien pintas de ser la cabera. La escritora Susana Perez-Alonso, militante socialista de la agrupación ovetense (AMSO) salió rescamplada por criticar xunto con dellos militantes más, las artimañas feches dende la fontaneria de la FSA-PSOE pa que saliere a deu la candidata Paloma Sainz, cosa que nun presto muncho en dalgunos militantes de base, los menos d'ellos ya que la mayor parte "callaron como oveyes".
Espulsada ella y 14 militantes más por espresar la so opinión públicamente na prensa escrita güei va salir falando nel programa de la COPE del escritor y periodista Cesar Vidal. Esti mediu privau, la COPE nun ye que seya'l meyor mediu pa defender la llibertá d'espresión y la honestidá política pero los afines al PSOE nun tan pa estes coses pa que nos vamos engañar.
La disidencia se paga na FSA. Candidatas impuestas pola FSA. La pallabra "imposición" mui de moda nestos tiempos,y tan utilizada polos totems de la FSA, ye la imaxen viva de lo que representa güei'l seutor políticu dominante n'Asturies, basau nuna riestra de clanes que controlen, manipulen, terxiversen y mienten con tal de tener too bien atau nesti vieyu país. Ye tal el control y la prepotencia col qu'exercen el poder los totems de la FSA que dan una imaxen pública de manipuladores(candidata a deu na AMSO), corruptos(esta va polo de Llanes ente otres), represores(Candido y Morala,...), alienadores (contra la nuesa llingua, imponiendo'l castellanu) y mentirosos (Sindicadura de cuentes) que en pasando el 9 de Marzu, vamos ver como los resultaos son asemeyaos en númberu de votos a los que tenien enantes d'armala.
Si al final esto de la democracia va ser too cosa de marketing y perres.
aruelu — 07-02-2008 GTM 1 @ 20:20
Ver/Escribir comentarios Esbilla | del.icio.us
<<
1
2
3
4
5
>>
