El ciernu. Información d'Asturies y curiosidaes

L'Ayuntamientu de Cuideiru de mayoria ablucante del PSOE vien de demostrar que nesí conceyu nun se mueve nada ensin el so consentimientu.

El casu vien alrodiu de la xestión d'unos nueos puestos de trabayu d'una empresa privada afincada nel Poligonu de Valdredo dedicada a la produición y distribución de frescos y conxelaos, que xestiona'l propiu Ayuntamientu de Cuideiru a través de la emisión d'un bandu municipal firmau pol Alcalde qu'informa de la entrega del curriculum a la conceyala Verena Prendes.

Aparte d'ello pue esistir un tratu de favor pola parte del Ayto. Cuideiru a la empresa citada por permitir la costruición de la nave con una altura mayor de la propuesta nes normes urbanistiques de Cuideiru. (El Comercio, 21.10.07)

El diariu madrilanu ABC se fae eco del escandalu del casu "Construyendo Asturies" onde'l Gobiernu Asturianu sal abondo representau poles obres feches,un panfletu de calter electoralista, de manu subvencionau polas contratas que faen obres pal Principau d'Asturies con cargu a fondos públicos.

Fai unos dies presentose nestí blog la estaya de "L'otru llau de la realidá" onde queremos dar puxu a les anuncies que nos paecen interesantes y nos medios de comunicación de mases nun tienen cabida debiu a los dixebraos intereses de los periodicos de turnu. Otru exemplu d'ello ye esti casu, ya que na prensa "rexional" tan solu LNE menciona estí casu y de mena testimonial, algamando más información un diariu madrilanu sobro ello, anque distorsionando'l mensax al dar más emportancia a partios políticos que tan na oposición(PP)y nun ficieron un res que a la propia denunciante (UNIDÁ). Esto debese en parte a la llínea editorial emplegada por ABC, nestí casu.

Vamos entamar dende esti modestu blog, una nuea domina d'articulos que de mena simbolica vamos tratar, y que fondamente daremos los enllaces que conozamos pa que cualesquier persona puea tar informada d'estes coses que nun avezamos a ver nos mass media (ellementos fácticos de los nucleos del poder) pero que representen l'otru llau de la realidá.

Nel caberu plenu que se cellebró nel Aytu. de Llanes tratabase ente otres coses, l'autorización de la llicencia de costruición de La Talá, una macrourbanización que se quier facer en tarren protexiu medioambientalmente, denunciau dende cuantaya por AVALL, cuyo secretariu ye Domingo Goñi Tirapu "Txomin". Esta persona xunto con otres más, presentaronse nel plenu con una camiseta col llema " La Talá ilegal". Esti fechu fizo que l'alcaldesa del PSOE perdiera la coreición democratica que tien de demostrar cualesquier persona que s'alcuentre nel so cargu y ordenara que colaran estes personas pola vía opresora, mediante los axentes de policia llocal. Agora acusenlo de "presunto delito de resistencia a la autoridad y por las supuestas faltas de perturbación del orden público, lesiones a un policía local y maltrato de obra".

Tenemos un vidiu de lo asoleyau, agradeciendo al portal d'asturiasverde, poniendo equí les sos señes, nun tien perdida:

http://www.asturiasverde.com/2007/septiembre/00893llanes.htm

Cuando la realidá ye bien dixebrada de la "fantasia corrupta" de los que manden, el poder muestra la so cara real, la represión. Contra ello de manu, contrainformación.

Estos diés sal na prensa l'adxudicación a Asturfeito d'un de les parceles de la Térmica d'Avilés, dempues de solucionar el pilancu del amiantu. Lo del amiantu ye un bilordiu del gobiernin pa solventar los retrasos nes obres pol baltiu de la Térmica ya qu'enantes los inmuebles se facien con buena argamasa, alcuerdome cuandu salió na prensa que dende la Plat. pola defensa de la Térmica denunciose por dellos coleutivos la existencia d'amiantu na techumbre del inmueble y nos recubrimientos de les tuberies.El tema del amiantu ya ta denunciau d'enantes de qu'entamaren a baltiar la Térmica. Agora lo que furrula y ta de moda ye la demagoxia y el bilordiu interesau. Paez que quedo lloñe la polemica suscitada alrodiu de la mesma.
Demagoxia ye un términu que nos ámbetos políticos ta de moda. Lo pior ye qu'ainda utilizandolo los partios políticos, a lo caberu les elleiciones los resultaos son asemeyaos, no que respeuta a los partios mayoritarios.

L'asuntu de la Térmica d'Avilés ye daque que clama al cielu. Nun primer momentu la Casa Conceyu d'Avilés (PSOE-IU) nun tuvo nengun reparu en dai cobertura a un futuru Centru de Cultura y Ociu d'Avilés que conto col amparu de la Conseyeria de Cultura de Migoya.
Estí proyeutu fizose alrodiu del fracasu que supuso vender el proyeutu d'ISOLUX de crear dos plantes de ciclo combinau que contaron col rechazu vecinal. Tenienlu tan nidiu y vendianlo tan bien qu'adxudicaron un Plan Direutor col coste nes arques públiques de más de 120.000€ que quedo nel caxón de la mesa de la entos Conseyera de Cultura, pa ello contrataron a la empresa Xabide.

Entos llego'l Niemeyer, un centru de calter elitista (ya veremos los contenios que tien, ya que de momentu solu se ta vendiendo fumu) qu'arrequexa a la cultura llocal, ya que nun tien espacios propios pa ello, y nun tris, decidiose unilateralmente pola parte'l poder fácticu, baltiar un de los inmuebles más importantes del patrimoniu industrial asturianu, la Térmica d'Avilés.

Y a pesar del intentu de dellos coleutivos y persones que llucharon por protexer la nuesa cultura, nada se pudo facer, salvo danos cuenta de lo demagoxica que ye está clas política que tenemos por estes llendes. Bueno, eso si, IU noto nes elleiciones el pesu de la demagoxia y el sofitu partidista ensin xaciu al PSOE, sinon que se lo digan al EX-conceyal de Cultura d'Avilés. Salio caru llevantar la manu nel plenu d'avientu de 2007 pa baltiar su ansiada "joya de la corona".

La hestoría se repite. La llucha ente David (colectivu Ecoloxista d'Avilés, Pl. "La foz del Pielgu" , UNIDÁ, IU, AAVV "Xunios", AAVV " El Camin", ACA, EVACA-Truyés, y vecinos de la zona,CHN) contra Goliat (Grupo Proinasa, USPC-PP Corvera, Conseyeries del PPAA) ye de vegada en vegada daque granible.

Paez ser que Dolabay Erma, previu pautu col anterior equipu de gobiernu corveran, que-y dexo facer y desfacer too lo que quixo y más, tenía camentao pasase pol mantu les llabanes el suministru d'agua a la urbanización Los Balagares. Con esta clase de llaceria política da lo mesmo que más de 10.000 persones del conceyu quedaren ensin suministru d'agua, too seya por tener agua na "ansiada" por dalgun@s urb. Los Balagares.

Una carta del ex-xerente de CADASA, Alberto Álvarez Rea, previu avisu del xefe d'esplotación y Mantenimientu del consorciu d'Agues informo de la inviabilidá de "enganchar" el suministru d'agua potable de CADASA a la citada urbanización por peligrar el suministro d'agua del conceyu. Al paecer tienen de costruyir un depositu que tenga agua pa les necesidades de la Urb. Los Balagares pa tres díes.

La promotora tien camentau entregar la primera fase, unes 150 viviendes pa esta selmana, y l'Ayto. Corvera nun va conceder la llicencia hasta que nun se igúe'l pilancu existente.

Tamién ye necesaria una depuradora pales agues residuales que se viertan al río Alvares fasta que nun se faiga'l coleutor.

Veremos si resiste David a Goliat, o solu ye una esfozicada na muria de les llamentaciones.

Redaición