El ciernu. Información d'Asturies y curiosidaes

Los resultaos electorales foron correlativos a les perres emplegaes polos partios politicos que se presentan n'Asturies. Quiciabes esa seya una de les valoraciones nel casu de tar nun sistema democráticu onde cá un de les organizaciones presentaes tuvieren polo menos una igualdá de participación nos medios de comunicación públicos, nun sistema democraticu eso sedría asina. Pero la realidá ye bien dixebrada.

 La TPA como mediu públicu que ye fizo una comparanza nel so programa "Terapia de grupo" nuna parodia del nacionalismu col etnicismu y el facismu, desprestixiando d'esta mena ociones politiques de calter nacionaliegu. Esti programa fai d'un de los sos exes una parodia continua colo asturianu y lo cultural y nun ye daque que pudiere estrañar. Quiciabes lo abegosu ye la fecha escoyia pa tresmitir esta parodia que desprestixia a ociones nacionalistes asturianes a escases hores del peslle de campaña electoral.

 El nacionalismu d'izquierdes asturianu tien munchos enemigos pal so esporpolle suponiendo nestes elecciones el 0.31% del electorau (suma d'UNIDA y AA). Na cabera encuesta socioeconómica del IDEPA los asturianos que consideraben Asturies como nación yera d'alrodiu del 6%. Daque pasa nel nacionalismu pa nun poder mover esti electorau.

Un de los condicionantes ye la irupción d'una fuercia política que reniega a autoalienase como ye IU sumida nuna grave crisis, con escisiones nos caberos años, pero qu'amesta seutores del nacionalismu d'izquierdes como'l BpA y l'ecoloxismu federal como Los Verdes. El BpA asemeyase a un satelite que cumple la función de frenar l'esposigue del nacionalismu d'izquierdes mui fehacientemente al promover dende la base social d'IU politiques nacionaliegues nuna coalición que ye de calter republicana, xacobina y federal, siendo'l BpA una curtia representación ensin pesu dientru d'IU.

Dende medios istitucionales y afines al PSOE tamién se trabaya pa que nun medre nengun proyeutu de calau nacionalista como nel casu mentau.

Tamien esiste un seutor del asturianismu, volatil que lo mesmu les da votar a cualesquier fuerza política con tal d'algamar derechos, un seutor ensin ideoloxia nidia.

La incapacidá pa ilusionar nun proyeutu nacionaliegu tien de tener una base ideoloxica nidia, les dos fuercies del nacionalismu, una por sectaria otra por ambigua nun terminen de cuayar, quiciabes la segunda tenga remediu nun futuru prósimu, la primera va necesitar una renovación de los sos cabezaleros inmediata si quier sobrepasar dalgun día la barrera de la marxinalidá.

¿ Qué vos paez si los partios políticos tuvieren qu'indemnizar a los ciudadanos por incumplir les promeses electorales?

L'abogau José Lus Mazón consideralu asina na demanda que presento por publicidá engañosa contra'l PSOE por incumplir la promesa electoral del añu 2004 que falaba de "la exixencia de responsabilidá de los xueces y funcionarios xudiciales por retrasos inxustificaos".

El xuez nel so autu diz que la demanda del abogau "cumple tolos requisitos de capacidá, representación y postulación procesales" y da 20 díes al PSOE pa que retruque.

Según el lletrau demandante la aprobación de la LOTC aprovada pol PSOE establez " la irresponsabilidá o completa impunidá de los maxistraos del TC", colo " que contradiz y fae engañosa o falsa la propaganda del programa ellectoral del PSOE".

De salir p'alantre esta sentencia, podría dase un xiru na forma de facer política, ya que los programas podran axustarse meyor a la realidá y de nun ser asina, pue salirnos rentable, polo menos economicamente, que los políticos llancen bilordios a los ciudadanos.

La frase del día.

N'España la xente nun quier vivir nun solu Estau, entos sofitadles ellí" Vladimir Putin, presidente de Rusia

La Republíca Democrática de Kosovo ya ye una realidá. Los 109 diputaos votaron a favor, demientres miles de persones lo festexaron na capital Pristina. El primer ministru kosovar, Hashim Thai afitó la declaración d'independencia a les cuatru menos diez de la tardi de guei.

Al marxén del xubilu de la población kosovar confirmase un escandalu nel drechu internacional pala soberania d'un pueblu precisamente n'Europa, ya que'l protocolu d'actuación marca que la plena soberania d'un Estau tien de dir precedia pol Conseyu de Seguridá de la ONU, muerganu qu'afita el protocolu nestos casos, siendo pa ello como ye de vezu qu'esista ente la población un referendum previu ente la población que llexitime la decisión, ello ye'l "tan queriu" drechu d'autodetermin que tantu "satanicen" los partios nacionalistas españoles del Estau Español.

L'otru puntu pa qu'un pueblu puea dafechu independizase ye'l so pasu polos muerganismos de la ONU que lo afiten delantre de tolos Estaos del mundu. Esti nun ye'l casu y d'ehí la so peculiaridá ya que Kosovo conto col beneplacitu de los EEXX pa poder independizase, pese a que l'Estau del que s'escinden, Serbia nun naguaba por tal pretensión, a ello xuntase Rusia como potencia mundial amiga de Serbia.

Esti fechu ensin precedentes fai ximielgar la cadarma del drechu xuridicu internacional nos casos d'independencia d'un Estau d'otru. La realidá ye, ¿porqué equí si y n'otros llaos non?. Necesitase pa ello'l sofitu de los EEXX y la Xunión Europea penrriba de les normes internacionales. ¿Qué pinta la ONU n'esto?, ¿Val pa daque la ONU?.

El primer ministru serbiu, Vojislav Kostunica dexo nidiu nes sos declaraciones de que tamos falando al atribuyir "a la politíca de fuercia de los EEXX, qu'impon la fuercia penrriba de la ONU".

Pola so parte Rusia mantien que con ello va abrise la "caxa de Pandora", ya que según el so ministru d'esterior, Serguéi Lavrov " ye la primer vegada que se trabaya sobro la salida d'una rexión de dientru d'un Estau soberanu. Kosovo sedrá un precedente p'alrodiu de 200 rexiones y Estaos del mundiu".

Nel Estau Español esta decisión nun fae más qu'evidenciar el braeru deficit democraticu que padez l'Estau, imponiendo los sos criterios penrriba de les decisiones de los ciudadanos de les naciones qu'aspiren dalgun día, y si los sos ciudadanos asina lo quieren, a poder ser otru Estau dixebrau, claro que pa ello, faera falta'l sofitu de los EEXX, del más fuerte. Daque hai de camudar nel mundiu pa que les ociones de munchos ciudadanos del mundiu dependan d'un solu filu, ya que nun son necesaries les lleis de drechu internacional ¿pa que tan, entos?, tan solu'l sofitu d'unos intereses de les multinacionales enmazcaritaes baxo les siegles d'un país, EEXX.

Nun ye la primera, ni tien pintas de ser la cabera. La escritora Susana Perez-Alonso, militante socialista de la agrupación ovetense (AMSO) salió rescamplada por criticar xunto con dellos militantes más, las artimañas feches dende la fontaneria de la FSA-PSOE pa que saliere a deu la candidata Paloma Sainz, cosa que nun presto muncho en dalgunos militantes de base, los menos d'ellos ya que la mayor parte "callaron como oveyes".

Espulsada ella y 14 militantes más por espresar la so opinión públicamente na prensa escrita güei va salir falando nel programa de la COPE del escritor y periodista Cesar Vidal. Esti mediu privau, la COPE nun ye que seya'l meyor mediu pa defender la llibertá d'espresión y la honestidá política pero los afines al PSOE nun tan pa estes coses pa que nos vamos engañar.

La disidencia se paga na FSA. Candidatas impuestas pola FSA. La pallabra "imposición" mui de moda nestos tiempos,y tan utilizada polos totems de la FSA, ye la imaxen viva de lo que representa güei'l seutor políticu dominante n'Asturies, basau nuna riestra de clanes que controlen, manipulen, terxiversen y mienten con tal de tener too bien atau nesti vieyu país. Ye tal el control y la prepotencia col qu'exercen el poder los totems de la FSA que dan una imaxen pública de manipuladores(candidata a deu na AMSO), corruptos(esta va polo de Llanes ente otres), represores(Candido y Morala,...), alienadores (contra la nuesa llingua, imponiendo'l castellanu) y mentirosos (Sindicadura de cuentes) que en pasando el 9 de Marzu, vamos ver como los resultaos son asemeyaos en númberu de votos a los que tenien enantes d'armala.

Si al final esto de la democracia va ser too cosa de marketing y perres.

Paez ser que la hestoria de los resultaos nes eleiciones llocales n'Avilés ye a la llarga la que se produz nes elleiciones estatales según corrobora la revista Interviú nel so númberu del mes de Febreru. Esi mesmu casu se da en Almendralejo.

Estos datos faen que podamos adelantar los resultaos nes eleiciones estatales en función de lo asoleyao nes municipales d'Avilés que finaron cola victoria del PSOE ensin mayoria y cola irupción d'un nueu partiu políticu de calter llocal.

Col envís d'esti articulu los mandatarios políticos aporfiaron nel so mensaxe cá un nel so sitiu, de mientres el PSOE enarbolo a travies de la so alcaldesa y ex-alcalde la voluntá de sentise arguyosos del so sentimientu nacional, comparando a Avilés como espeyu d'España, el candidatu del PP como nun ye de recibu aporfio pol so tema preferiu que ye'l de la utilización del mieu y el terrorismu como arma política p'algamar unos buenos resultaos.

Tanto unos como otros dexaron bien constancia de qu'Avilés ye seña d'identidá de que los votos tan mui bien ordenaos y trabayaos pa que nun s'escapen por nengun llau, polo menos de momentu.

“En los años cincuenta fuimos la tierra de acogida de mucha gente; somos hijos de gallegos, de andaluces que por aquel entonces huían del hambre. A lo largo de los años nos hemos convertido en una pequeña España concentrada en una gran ciudad asturiana”. Pilar Varela, PSOE, Alcaldesa d'Avilés.

“la razón de que Avilés sea una localidad-guía de la evolución electoral de los grandes partidos es que contamos con los grandes sectores de desarrollo de un país: la pesca, la industria y la ganadería. Ello sea quizá la razón de que seamos el espejo de España” Santiago Rodriguez Vega, PSOE, ex-alcalde d'Avilés

“la situación en Avilés es muy parecida a la que se vive ahora a nivel nacional. Los avilesinos tienen desconfianza en los gobernantes, y eso conlleva que se desprestigie a los políticos en general. Hay que conseguir que el ciudadano vuelva a confiar en el político, también en los de las más altas esferas: los diputados, eurodiputados y senadores. En cuanto al terrorismo, nosotros vivimos muy de cerca el 11-M, ya que varios de los acusados que hoy se sientan en el banquillo son de aquí, vivían aquí enfrente, los veíamos por la calle” Manuel Peña, PP.

L'Ayuntamientu de Cuideiru de mayoria ablucante del PSOE vien de demostrar que nesí conceyu nun se mueve nada ensin el so consentimientu.

El casu vien alrodiu de la xestión d'unos nueos puestos de trabayu d'una empresa privada afincada nel Poligonu de Valdredo dedicada a la produición y distribución de frescos y conxelaos, que xestiona'l propiu Ayuntamientu de Cuideiru a través de la emisión d'un bandu municipal firmau pol Alcalde qu'informa de la entrega del curriculum a la conceyala Verena Prendes.

Aparte d'ello pue esistir un tratu de favor pola parte del Ayto. Cuideiru a la empresa citada por permitir la costruición de la nave con una altura mayor de la propuesta nes normes urbanistiques de Cuideiru. (El Comercio, 21.10.07)

Dende Elciernu sabemos de la prepotencia cola qu'allumen a la prensa del réximen los dirixentes de la FSA, pero dende'l nuesu puntu de vista esta ye de traca. Javier y Jesús, o lo que ye lo mesmu los llideres organizativos del PSOE n'Asturies nun rescamplen al dicir que los programas electorales ta en segundu planu a la hora de facer Gobiernu. Sal de baldre pala FSA menospreciar a la ciudadania cola so arrogancia y prepotencia enfermiza.

Estí enfotu en facer lo que-yos da pola gana en pasando elleiciones, ye un fechu consumau debiu a la redé clientelar socialista que se vien texiendo dende va unos cuantos años y que-yos permite dir de sobraos na politica desencolcada n'Asturies. A too esto debemos amestar un movimientu nacionalista fragmentau en microespacios políticos, que nun encadarma un movimientu políticu que fine de cuayar ente la sociedá asturiano, anque tan dandose los pasos pa ello, non ensin pilancos per tolos llaos.

Destaquen nestos dies unes declaraciones de los llideres de la FSA que consuman lo escritu:

"La FSA rechaza la petición de Izquierda Unida para participar en la negociación presupuestaria y defiende el liderazgo del Gobierno".

"Los dirigentes socialistas también sugirieron un método: tomar como punto de partida el principio de acuerdo trabado en la negociación del pacto de gobierno, y no los programas electorales, «que lo harían mucho más difícil» " (Javier Fernández y Jesús Gutierrez(FSA)- LNE.14.10.07.

Porque se supon que votaron l@s asturian@s, sinon ye polos programes electorales o polo menos esa ye la idega.

El diariu madrilanu ABC se fae eco del escandalu del casu "Construyendo Asturies" onde'l Gobiernu Asturianu sal abondo representau poles obres feches,un panfletu de calter electoralista, de manu subvencionau polas contratas que faen obres pal Principau d'Asturies con cargu a fondos públicos.

Fai unos dies presentose nestí blog la estaya de "L'otru llau de la realidá" onde queremos dar puxu a les anuncies que nos paecen interesantes y nos medios de comunicación de mases nun tienen cabida debiu a los dixebraos intereses de los periodicos de turnu. Otru exemplu d'ello ye esti casu, ya que na prensa "rexional" tan solu LNE menciona estí casu y de mena testimonial, algamando más información un diariu madrilanu sobro ello, anque distorsionando'l mensax al dar más emportancia a partios políticos que tan na oposición(PP)y nun ficieron un res que a la propia denunciante (UNIDÁ). Esto debese en parte a la llínea editorial emplegada por ABC, nestí casu.

El Gobierno del Principado ha asegurado, mediante una nota de prensa, que "ni ha financiado ni es el promotor de la obra editorial" (23.08.06,El Comercio)

Quiciabes la financiación ye de toos los ciudadanos a travies de los fondos públicos ofertaos a les constructores. Una extratexia eleutoralista del PSOE nes pasaes eleiciones, a costa de les perres de toos, a primera vista paez un casu nidiu de malversación de fondos públicos, ya veremos en que queda too. Noragüena a UNIDÁ por dar la cara.

Redaición.