El ciernu. Información d'Asturies y curiosidaes

L'Audiencia Nacional del Estau español tien de dar una sentencia na qu'afita que la Ilesia de la Cienciológia "ye una asociación asemeyada a otres que s'alcuentren inscrites nos rexistros oficiales en países del nuesu entornu xuridicu y cultural" polo tantu va poder rexistrase nel Rexistru d'Entidaes Relixioses del Ministeriu de Xusticia.

La citada Ilesia fue fundada pol escritor de ciencia-ficción L.Ron Hubbard, ente los sos miembros s'alcuentren Tom Cruise o John Travolta.

La Ilesia se fundamenta en facer que l'individuo puea tener una vida meyor. Estí, va pasando por delles fases, hasta qu'al llegar a la so plenitú nel nivel OTIII, le ye desvelau'l so mayor secretu, Xenu.

Calificaes de "sectes destructives" por dalgunos medios y de relixión por otros, forma angúañu una multinacional de más de 50 millones de "fieles" per too'l mundiu.Pa quien tenga interes nestes "sectes" calificaes asina en France y perseguida n'otros como Belgium y Switzerland, enllazamos darréu sobro la base d'esti proyeutu, por ciertu, mui propia del so fundador, L.Ron Hubbard. Asina, entama:

 Le voy a contar una historia. ¿ Esta usted sentado confortablemente? Bien, entonces comenzaré.

Ochobre'34 ye una fecha que n'Asturies tien abondo señaldá pala memoria hestorica de los nuesos güel@s. N'aquella dómina de la II Republica Española, nel 31, la hestoria paecia camudar, pero tan solu lo paecia. 6 fuelgues xenerales y otres 20 llocales llideraes polos sindicatos UXT (d'aquella yera un sindicatu que puxaba polos obreros)y per otru la CNT facien d'Asturies un llugar imprauticable de dixerir pol poder central. La xuntanza de dambos sindicatos fizo l'Alianza Obrera, que dende'l Partiu Comunista tildarón de manu,como "alianza obrera de la traición", pero llueu en viendo la brenga cola que puxaban, nun dubiaron en xunise a ella, anque más que nada a mou marxinal, ya que la braera brenga yera la de los sindicatos con 40.000 afiliaos la UXT y unos 30.000 la CNT.

Queda ún perplexu cuandu angüañu ciertu seutor de la izquierda quier reivindicar los fechos como suyos, cuandu d'aquella nun yeren más que una "muleta" de los sindicatos mayoritarios que llevaron el pesu de la revolución.

La nueche del 4 d'Ochobre entamo n'Asturies la revolución proletaria, nes cuenques y n'Uviéu y Xixón pa dempues propagase como la polvora polos pueblos. Esta finó nel día 18, tres pautar la rendición coles tropes comandaes por Franco, que una vez dientru masacraron, torturaron y diezmaron a la población asturiana n'honor a la Republica Española. Fue muncho mas xabaz les muertes producies dempues de la revolución que tardo muncho tiempu en recuperase.

Nun dexa de ser una seña d'identidá del pueblu asturianu esta revolución fracasada, y nun siguia por néngun llugar a mencionar, ya que más ceo y na Guerra civil, Belarmino Tomás participe de la rendición pactada col gobiernu de la Republica, proclamaria nel añu 1937 el que diba ser el Conseyu Soberanu d'Asturies y Lleón.

La Hestoria fainla los vencedores, eso ye asina, pero siempre se pue reinterpretar.Con estí videu vamos facer remenbranza de l'otra realidá, la de los vencios, qu'a la postre sedría la del pueblu asturianu. Aida de la Fuente.

Tamien amestamos un vidiu sobro Ochobre'34 del prestosu blogue Fueya en blancu.

Vamos entamar dende esti modestu blog, una nuea domina d'articulos que de mena simbolica vamos tratar, y que fondamente daremos los enllaces que conozamos pa que cualesquier persona puea tar informada d'estes coses que nun avezamos a ver nos mass media (ellementos fácticos de los nucleos del poder) pero que representen l'otru llau de la realidá.

Nel caberu plenu que se cellebró nel Aytu. de Llanes tratabase ente otres coses, l'autorización de la llicencia de costruición de La Talá, una macrourbanización que se quier facer en tarren protexiu medioambientalmente, denunciau dende cuantaya por AVALL, cuyo secretariu ye Domingo Goñi Tirapu "Txomin". Esta persona xunto con otres más, presentaronse nel plenu con una camiseta col llema " La Talá ilegal". Esti fechu fizo que l'alcaldesa del PSOE perdiera la coreición democratica que tien de demostrar cualesquier persona que s'alcuentre nel so cargu y ordenara que colaran estes personas pola vía opresora, mediante los axentes de policia llocal. Agora acusenlo de "presunto delito de resistencia a la autoridad y por las supuestas faltas de perturbación del orden público, lesiones a un policía local y maltrato de obra".

Tenemos un vidiu de lo asoleyau, agradeciendo al portal d'asturiasverde, poniendo equí les sos señes, nun tien perdida:

http://www.asturiasverde.com/2007/septiembre/00893llanes.htm

Cuando la realidá ye bien dixebrada de la "fantasia corrupta" de los que manden, el poder muestra la so cara real, la represión. Contra ello de manu, contrainformación.