El ciernu. Información d'Asturies y curiosidaes

Seresco, empresa asturiana que desendolca software de xestión firmo nel branu col Principau d'Asturies el contratu del Centru de Xestión de Servicios Informativos d'Asturies, percibiendo por ello 31,3 millones d'euros de les arques públiques.  Pa quien no sepa mui bien que significau tien esta adxudicación, implica la "privatización" encubierta pola parte del gobiernu "socialdemocrata" del PSOE de contenios contables, alministrativos, concursos, sanidá, ..., que pasen a ser controlaos pola empresa informatica Seresco en collaboración cola multinacional norteamericana Accenture,  ello ye una multinacional con acesu de toa la información más confidencial del Gobiernu, too ello alrodiu de la marxinación de los informaticos funcionarios de l'alministración. Nesti sen, la implicación de l'Alministración asturiana con proyeutos afincaos nel software llibre da una galmiada p'atras, con esta adxudicación a la multinacional norteamericana.

¿Por qué nun apuesta'l gobiernu Asturianu por caltener y meyorar los servicios informaticos públicos, nuna información tan sensible?

Facemosnos ecu, d'una información apaecia nel diariu madrilanu El País que curiosamente nun apaez en nengun titular de la prensa de "formación de mases" d'Asturies.

El conseyeru delegau de Seresco, Tomás Reinares, ye l'hermanu de Jaime Reinares, conceyal del PP pol Ayuntamientu d'Uviéu y anque l'asuntu que trata'l diariu madrilanu ye importante porque tien que ver col usu de que se dan les sovenciones de los fondos mineros, ye cuanto menos curiosa la rellación ente'l PP y el PSOE, col oxetivu, y estí ye lo enforma importante que ye la privatización de la información pública.

Otru tema curiosu ye como los Presupuestos Xenerales d'Asturies consideran a 20 sociedades anonimas como empresas públicas. Nestí sen hai munchu de que falar.

El Conseyeru de Salú d'Asturies, Ramón Quiros, mélicu de profesión paez ser que nun ta pola llabor d'amestar puxu facia les postures diplomatiques colos trabayadores de la salú, y lloñe d'ello prestase a infravalorar el trabayu internu desendolcau polos trabayadores de la sanidá público, con frases tedioses como las que nos fae mención la prensa nacional qu'asoleyamos darreu:

La recomendación del consejero de Salud del Principado según la cual los empleados de su departamento deben llegar a su puesto de trabajo «desayunados, con el periódico leído y cagados» no ha sentado bien a una mayoría de los representantes del sector sanitario de la región." LNE (05.01.2008)

Alrodiu d'esta posición autoritaria y menospreciativa de Ramón Quiros, quiciabes seya debia a l'amenaza pola parte del SIMPA (Sindicatu Mélicu Profesional d'Asturies) d'una fuelga pola so irresponsabilidá na negociación de la carrera profesional sanitaria.

Anque'l pilancu fora asina, esto nun tien que ver pala actitú que tien fuera de tonu d'un Conseyeru de Salú que demuestra con ello que nun ta al altor de les circustancies. Veremos en que queda too.