Porque val en Madrí y n'Asturies non
El proyeutu enerxeticu del gobiernu del Principau d'Asturies (y más concretamente de la FSA) ta supeditau a un aumentu de la producción enerxetica de la que ya somos excedentarios cuyo proyeutu pretende costruyir delles centrales de ciclos combinaos alrodiu d'una regasificadora, nun inusitau "superpuertu" de El Musel, too ello amestau a nueves autovies que dinamiten la fastera central asturiano.
Resulta cuanto menos curiosu que la Unión Europea dictamino que les fuentes d'enerxia tienen de tar ceo de los consumidores, evitando la construcción de nueves llinees d'AT,perdides d'enerxia nel tresporte y pilancos medioambientales.
La comunidá de Madrí ye un de les mayores demandantes d'enerxia de too l'Estau Español y pola contra nun tien ubicau nengun d'estos proyeutos industriales. Un de los motivos polos que les centrales de ciclo combinau (menos contaminantes según los sos defensores) nun s'agospien en suelu madrilanu ye la movilización social escontra estes istalaciones.
El presidente de REE, Luis Atienza asina lo menciona:
" El presidente de REE ponía el ejemplo de la Comunidad de Madrid, donde la oposición de algunos partidos políticos, asociaciones de vecinos y grupos ecologistas está impidiendo que se construya una sola planta de generación eléctrica. «Además, ni quieren las centrales ni las líneas eléctricas que tienen que traer la luz de otras comunidadeslimítrofes», subrayaba Atienza." (ABC, 25.07.2005)
Ye necesaria una movilización masiva contra estos proyeutos industriales, el gobiernu de la FSA quier n'Asturies 8 proyeutos de centrales de ciclos combinados nel llugar más contaminau del Estau Español. Debemos conformanos consintiendo estos desmanes o de lo contrariu ¿tendremos capacidá pa desfacernos de la cadarma socialista y movilizarnos como lo fain los madrilanos?. El futuru ta nes nueses manes.
Esbilla
del.icio.us
