El peor enemigu d'un políticu ye la hemeroteca.
"Aquel que no está orgulloso de su origen no valdrá nunca nada porque empieza por depreciarse a sí mismo". Pedro Albizu Campos, patriota y políticu puertorriqueño (Ponce, Puerto Rico, 1893 - San Juan, 1965).
Más información:
http://www.biografiasyvidas.com/biografia/a/albizu.htm
aruelu — 13-04-2009 GTM 1 @ 00:04
Ver/Escribir comentarios 
Esbilla | 
del.icio.us
¿Y que me diz d´Asturies? Asturies tien uno de los movimientos con mas base hestórica, por nun dicir el que mas. Queden recuerdos de la independencia de la época musulmana.Pero otres comunidaes, quizá con fines económicos tamién quieren una autonomía y eso ye perfetamente lícito.
Johan Galtung, sociólogu noruegu.
LNE, entrevista'l 16 de xuno del 2007.
aruelu — 16-01-2009 GTM 1 @ 00:16
Ver/Escribir comentarios (1) Esbilla | del.icio.us
Nun esisten criterios esautos que determinen la diferencia ente llingues y dialeutos, dalgunos de los criterios ainda resulten contradictorios. La diferencia esauta ye por tantu suxetiva. Depende de contestos socio-politicos nomar d’una mena u otra al sistema llingüisticu.
Dalgunos de los criterios polos cuales se nomen a dalgunes llingues, dialeutos parten de:
-Nun tener tradición escrita o lliteratura escrita reconocia
Fautores políticos, los falantes nun tiene un Estau o nación propios
El dialeutu s’utiliza intencionadamente pa nun reconocer derechos políticos.
Falta de prestixu, pocu númberu de falantes. Nun pue dicise qu’esistan llinguas incorreutes, ya que toes son prauticamente identiques tantu en complexidá como en criterios llingüisticos.
Pola falta d’autonomía respeutu a una llingua A o dominante.
Dialeutu na sociollingüistica, ye un términu ermu utilizau pa humildar munches vegaes a llingues minoritaries de muncha importancia cultural, como les llingues indixenas.L’idioma chinu tien dos dialeutos principales, el chino mandarin y el chinu cantones, ente ellos nun tan nidios, pero se les calificá como dialeutos de la mesma llingua. Nel casu contrariu tenemos al suecu, noruegu y el danés consideraos llingues y non dialeutos, pese a so semeyanza. Nel fondu d’esti contestu s’alcuentra la pertenencia a un pueblu o nación política. El dicionariu de la RAE nun pue ser más nidiu nesti aspeutu, calificando una llingua como un sistema de comunicación y espresión verbal propiu d’un pueblu o nación.
La consideración de dialeutu pal asturianu foi un de los primeros pilancos que llevó dende posiciones contraries a la defensa de la mesma propiciaes por factores políticos de calter centralista. Nueves entidaes sociollingüistiques na que rescampla l’Academia de la Llingua Asturiana (ALLA) demostraron a través d’estudios sociollinguisticos de la consideración del asturianu como llingua propia d’Asturies. Angüañu esi discutiniu ta zarrau dende ambetos académicos y políticos, cola aprebación de la Llei 1/1998, de 23 de marzu, d’usu y promoción del bable/asturiano onde nel so articulu 1 fala del bable/asturianu como llingua tradicional d’Asturies.
Los politicologos asturianos tan enfotaos en tratar a la llingua asturiana como un istrumentu p’alienar la nuesa identidá coleutiva, amenorgándola y apautando non incluyir na próxima reforma del Estatutu d’Autonomía asturianu, aprebau nel añu 1981, que t’acabantes d’aprebase la oficialidá de la mesma.El fechu d’afitar l’asturianu como llingua propia d’Asturies debió sentar sarpullíos na clase dirixente asturiano. Daquella la Llei d’usu y promoción foi aprevada pol PP (onde taba Serxu Marques, que llueu colo pa URAS y llueu pa casa) y pol PAS.
La pena ye que n’Asturies, políticamente falando “tamos en pañales” no que respeuta a les vindicaciones nacionales, la sociedá asturiana camina y los partios nacionaliegos danse zapicaes. De xemes en cuandu llega la calma y ponense a camentar, esti ye un bon momentu p’entamar a trabayar en proyeutos políticos estables y de futuru.
En base a l’afirmación de que l’asturianu ye una llingua propia d’Asturies, amás de ser patrimoniu inmaterial (daquien tenia dubies al respeutu, ¿fai falta ponelu nun Estatutu?), ye tamién consecuente que la mesma esistencia d’una llingua lleva arreyau’l so propiu calter políticu, que ye la consideración d’Asturies como nación cultural y per ende política. Esta si que-yos manca a los poderes centralistes y equí ta’l resultau de lo que los Fernández, Sanchez, Lastra, Migoya, Areces y cia. tan alienando continuamente a travies de los sos mecanismos de poder (Alministración pública, medios de comunicación de prensa escrita, TPA, RTPA,..), por eso y quiciabes tamién poles perres ye polo que l’asturianu nun va llegar a ser oficial na viniente reforma del Estatutu d’autonomía.
Anque los estudios sociollinguisticos digan que más del 60% de los asturianos piden la oficialidá del asturianu, nel CAO esisten más de 200 organizaciones pro-llingua, se faigan les manifestaciones más numberoses dende l’ECOFIN peles cais d’Uviéu o campañes de más de 6000 persones dando la cara pola oficialidá, nun va ser suficiente si nun hai un actor políticu asturianu qu’intervenga na vida política asturiana activamente en defensa de la mesma de clara vocación nacionalista (los amestos d’IU muerren nes sos contradicciones y nun cuayan).
Una definición de nación ye un conxuntu de persones d’un mesmu orixen etnicu que, xeneralmente, falen un mesmu idioma y tiene una tradición común. Ello ye un amestu de población, territorio, etnía o nación, llingua y Estau. Angüañu nel camentamientu politicu pue dicise qu’onde hai una llingua, hai una nación, como nos exemplos mentaos anteriormente de China y los países escandinavos. Otru asuntu que trataremos otru día ye qu’una nación, lleva a un Estau. Un Estau ye una entidá política reconocia pola comunidá internacional. Alrodiu de los acontecimientos, si Kosovo ye un Estau reconociu parcialmente pola “comunidá internacional”, ¿nun lo ye tamién Osetia del Sur y Abjazia?
aruelu — 30-08-2008 GTM 1 @ 16:44
Ver/Escribir comentarios Esbilla | del.icio.us
"Con España nun se pue negociar, sólo comunicarle'l día de la independencia" Joan Puig, ex-diputau d'ERC nel Congresu.Más información n'ADN y nel so blogue.
aruelu — 11-08-2008 GTM 1 @ 23:21
Ver/Escribir comentarios Esbilla | del.icio.us
Esto garrose del prestoso y recomendable blogue Avilés, su historia. Agora ya sabemos que la culpa de que les ociones politiques asturianes nun medren ye de la sidra. Dizlu un mélicu.
aruelu — 17-07-2008 GTM 1 @ 22:26
Ver/Escribir comentarios (2) Esbilla | del.icio.us
Dende elciernu queremos dar anuncia del trabayu desendolcau por dellos miembros de la blogosfera n'asturianu y persones vinculaes nel sofitu a la nuesa llingua, de trabayar dientru d'estos meses nun proyeutu dixital que va asoleyase nos prósimos dies, frutu del trabayu y enfotu n'enanchar la blogosfera n'asturianu y llevar a la nuesa llingua como mediu de comunicación y espresión de la realidá asturiano.
Un mediu dixital n'asturianu, independiente y comprometiu colos movimientos sociales. Dende elCiernu queremos agradecer a toles persones que col so esfuerzu van facer posible que ñazca un nuevu mediu dixital alternativu qu'enanche la blogosfera n'asturianu.
aruelu — 17-07-2008 GTM 1 @ 21:44
Ver/Escribir comentarios Esbilla | del.icio.us
Una veintena d'intelectuales españoles, afitarón nel Ateneu de Madrí un manifiestu que reafirma al castellanu, como llingua común nel Estau Español. Estí xestu que nun Estau democráticu nun sedría ni siquier noticia, nel Estau plurinacional onde nos atopamos, nun sirve namás como una falta de rispetu a les demás identidaes y llinguas nacionales del Estau Español, nes que s'alcuentra la llingua asturiana.
Sicasí, nel casu asturianu, lloñe de ni ta siquier afitar una llingua propia como ye l'asturianu, los dirixentes políticos de la FSA que llueu n'otros llares combayen colos políticos d'otres naciones, como nel casu del catalan, del usu del idioma, nesti vieyu país, fain un despreciu facía la so propia llingua, discriminandola de tolos ambetos de decisión y arrequexandola nun espaciu sicasi familiar, "d'andar per casa". Esta refuga hacía la llingua nun se ve espeyada nos resultaos ellectorales.
La reafirmación del castellanu, pola parte de los intelectuales españoles y l'afondamientu nel so nacionalismu español, ye en ciertu sentiu frutu de la so falta de visión democratica y de la imposición llingüistica que venimos asoleyando nel Estau Español dende tiempos de la dictadura de Pachu. El reximén morrió, pero non los sos fieles, qu'enmazcaritaos nuna falsa democracía (que refuga'l drechu d'autodetermin como derechu colectivu inalienable) traten d'espeyar con estí tipu de "xuegos" el so desinteres y despreciu pa coles llingues nacionales esistentes nel Estau Español. Ente too esti xareu, sal el PP, como non, sofitando cualesquier iniciativa que sofite la "indisoluble unidá d'España". L'alienación cultural ye una forma de colonizar naciones e identidaes.
aruelu — 26-06-2008 GTM 1 @ 21:13
Ver/Escribir comentarios Esbilla | del.icio.us
Dende El Ciernu queremos cellebrar los 200 años de la Xunta Xeneral d'Asturies al declarase soberana'l 25 de Mayu de 1808, fechu hestoricu pala nuesa nación asturiana.
..." Durante la revolución lliberal de mayu de 1808, que supunxo’l fin del Vieyu Réxime y l’entamu de la edá contemporania n’Asturies, la Xunta Xeneral d’Asturies declárase soberana’l 25 de mayu, reinterpretándose a ella mesma como asamblea llegal y representativa de los conceyos y estamentos asturianos, nun reconociendo otra autoridá superior a ella nin nengún gobiernu central en Madrid. El negase a reconocer el gobiernu central en Madrid foi una especie de golpe institucional revolucionariu y suversivu, una ruptura coles instituciones centrales 
representaes pola Audiencia y afitaes na representatividá lexítima del pueblu asturianu y de les tierres d’Asturies yá que según les tesis de los lliberales la soberanía reside nel pueblu y non nos monarques. El presidente de la Xunta Xeneral yéralo tamién de la Real Audiencia borbónica y tenía les atribuciones de gobernador d’Asturies. La Xunta Xeneral autoconvocábase a conceyu cada trés años na sala capitular de la catedral d’Uviéu ensin necesidá de permisu o preste real. La Xunta Xeneral yera una instución d’autogobiernu d’Asturies daquella integrada yá por lliberales o ilustraos como Flórez Estrada, elexíu yá Procurador Xeneral, Martinez Marina, Conde de Torenu, Marqués de Santa Cruz, Canga Argüelles o Queipo de Llano que creíen na necesidá de reformes isntitucionales y dada esta lexitimidá xurídica van usala como argumentu pa declarar la soberanía del so gobiernu n’Asturies, firmando la paz con Inglaterra, incumpliendo les órdenes que veníen de les nueves autoridaes de Madrid y declarando la guerra a Francia y a la nueva dinastía napoleónica que se quería implantar na persona de Xosé I. Cuando la Xunta Xeneral Suprema d’Asturies entama la guerra, recluta un exércitu asturianu y tien por ello que diseñar una bandera p’Asturies, que sirviera tanto de símbolu institucional como d’insinia de guerra. La bandera nun podía ser otra que la figura de la Cruz de la Victoria sobre una tela azul, tal como dexaren afitao tanto Trelles Villademoros como Xovellanos sobre’l símbolu d’Asturies. A esta bandera amestóse-y un lema de guerra bordáu coles lletres ASTURIES NUNCA VENCIDA. La Xunta Suprema Xeneral sublevábase asina en nome d’Asturies, en nome de la soberanía del pueblu asturianu, según la teoría lliberal de la soberanía popular. La bandera asturiana de la Cruz de Pelayu tornaba otra vegada a ser símbolu d’otra entidá soberana, antaño reinu, agora principáu ensin príncipe." ... (sigui)
Del articulu "Historia y signu de la bandera d'Asturies"
Autor: Xabiel Vilareyo y Villamil
Más información nel portal Asturies.com:
La llegada a Inglaterra de los comisionaos asturianos nel 1808: un documentu inéditu
aruelu — 17-05-2008 GTM 1 @ 16:35
Ver/Escribir comentarios Esbilla | del.icio.us
Cola marcha de Covadonga Tomé al frente del cómite d'empresa del Hospital Grande Covián s'esplaya la llaceriosa situación na que se topa la redé de servicios sanitarios nel Oriente d'Asturies. Ya van más de 10 años dende que los trabayadores y usuarios del hospital pidin al Gobiernu asturianu que'l citau Hospital pase a la redé de centros de servicios sanitarios públicos d'Asturies. El Grande Covián ta xestionau por una Fundación privada.
L'alministracion asturiana (PSOE) a lo más que llega ye a proponer una Fundación pública pal Hospital, fechu que nun aceuten les centrales sindicales que formen el cómite d'empresa.
Una proposición non de llei a favor de los trabayadores, una fuelga de 12 díes, una Plataforma ciudadan de sofitu y una manifestación de más de 3.000 persones poles caís de Les Arriondes, nun foron a algamar l'oxetivu de incluyir a estí centru mélicu de referencia del Oriente d'Asturies con una xestión dientru la sanidá pública.
Dolores Colunga, la nuea presidenta del cómite d'empresa siente nun poder cuntar con Covadonga Tomé nesta llucha, a piques de garrar cuatro meses d'escedencia pa colar del centru mélicu y d'Asturies con vistes a nun volver más pola precaria situación del Grande Covián.
Otru fracasu más del gobiernu socialista na so política d'apañar perres pal HUCA, un ñeru de gastos ensin fondu,de momentu va pa más de 45 millones d'euros de sobrecoste, pola falta de control de l'alministración pública nesti sen, y pol contrariu de caltener nuna precariedá insostenible'l mayor centru mélicu del oriente asturianu.
aruelu — 15-05-2008 GTM 1 @ 21:17
Ver/Escribir comentarios Esbilla | del.icio.us
"La lógica del proceso de reformas estatutarias, afirmó, pretende garantizar «la viabilidad de los Estatutos y su articulación al proyecto común de España», pero sin impedir «que las peculiaridades de cada comunidad queden suficientemente reconocidas y preservadas»".Jose Luis Rodriguez Zapatero, güei en El comercio.
aruelu — 14-05-2008 GTM 1 @ 23:26
Ver/Escribir comentarios (1) Esbilla | del.icio.us
Tags
